ದೇವಲೋಕದ ಪಾರಿಜಾತ

ನೀಲಾಗಸದಿ ಚುಕ್ಕಿ ತಾರೆಯರ ಸಂಭ್ರಮ
ಬಿದಿಗೆ ಚಂದ್ರನ ಪಯಣದೊಂದಿಗೆ
ರಂಗು ರಂಗಿನ ಕನಸಿನ ಲೋಕದಲ್ಲಿ
ನಿನ್ನೊಲವಿನ ಮೆರವಣಿಗೆಯ ಪಲ್ಲಕ್ಕಿಯಲಿ
ಸಂಭ್ರಮದಿಂದ ನಾ ಕುಳಿತು ಹೊರಟಿದ್ದೆ
ದೇವಲೋಕದ ಮುದ್ದಾದ ಹೂವನರಸಿ

ಹಚ್ಚ ಹಸುರಿನ ಹೂ ಹಾಸಿಗೆಯಲಿ
ಬೆಚ್ಚಗಿನ ಕನಸುಗಳ ಕಾಮನಬಿಲ್ಲು
ಬದುಕೆಲ್ಲ ನೀನಿರಲು ಜೊತೆಯಾಗಿ
ಕನಸೆಲ್ಲ ಸೊಗಸಾಗಿ ಕುಣಿದಾಡುತಿರಲು
ಸೋನೆ ಮಳೆಯು ಜೊತೆಯಾಗಿ ಸುರಿಯುತಿರಲು
ನಿನ್ನ ಪ್ರೀತಿಯಲಿ ಹದವಾಗಿ ತೊಯ್ದoತೆ..

ಬದುಕೆಲ್ಲ ಪ್ರೀತಿ ಮಳೆಯ ಹರಿಸಿದವ
ಮನಸಿನ ಮಾತು ತುಟಿಯಮೇಲೆ
ಬರುವ ಮುಂಚೆ ಅರಿತು ನಡೆದವ
ನಿನ್ನ ಬದುಕಿನ ಎಲ್ಲ ಖುಷಿಯ ಧಾರೆ ಎರೆದವ
ಎಂದೆಂದಿಗೂ ಆಗಬಯಸುವೆ ನಾನಿನ್ನ
ದೇವಲೋಕದ ಪಾರಿಜಾತ..

Photo credits : Google